Весна Љ.
Лажна драма на Инстаграм и брза полициска истрага
Драмата започна на неговиот официјален Инстаграм профил каде „неговиот тим“ објави дека непознати маскирани лица упаднале во неговиот луксузен стан во Белград околу 06 часот наутро и го однеле во непознат правец. Соработниците дури пласираа и приказна дека тој е задржан во 48-часовен притвор поради наводна вмешаност во перење пари преку „Алта банка“.
-
La Linea v6
699 ден
524.25 ден
Бидејќи објавата предизвика огромна паника меѓу неговите 1,7 милиони следбеници, Вишото јавно обвинителство и полицијата веднаш покренаа итна истрага. Сепак, брзо беше утврдено дека станува збор за дрска измама. Соочен со полицијата, Илиќ признал дека целосно ја измислил приказната како сценарио за неговото ново видео на Јутјуб. Поради ова, Посебното одделение за високотехнолошки криминал најави кривична пријава за „предизвикување паника и неред“.
Од гејмер до скандал-мајстор и промотор на коцкање
Овој екстремен потег не е изненадување за оние кои го следат неговиот развој. Богдан Илиќ, син на православен свештеник и поранешен пијанист, својата кариера ја изгради на јавни конфликти, вулгарности и скандали. Неговото минато е одбележано со токсичниот судир со покојната јутјуберка Кристина Кика Ѓукиќ, како и медиумската војна со сопственикот на „Пинк“, Жељко Митровиќ, поради која привремено го изгуби својот Јутјуб канал со над два милиони претплатници.
Во последно време, тој е цел на критики поради отвореното промовирање на онлајн коцкање кај младата публика, признавајќи дека и самиот изгубил стотици илјади евра во коцка и неуспешни бизниси. Со последниот инцидент, тој ќе мора да докажува дека лајковите не можат да ги избришат кривичните пријави.
„Јас промовирам коцкање затоа што сакам брзо да се збогатам, свесен сум дека тоа е дури и полошо отколку сам да се коцкам.“
