Без струја се Аеродром, Лисиче, Маџари… Што точно се случува во главниот град?

Повеќе од половина час нема струја во речиси половина од главниот град Скопје.

Станува збор за голем дефект во електричната мрежа. Погодени се голем број скопски населби. Граѓаните се вознемирени и бараат информации.

Кои населби се без струја и каков е сообраќајот?

Без снабдување со електрична енергија се жителите на Аеродром. Исто така, и на Ново Лисиче, Маџари и Хиподром. Во прекин се и Стајковци, Инџиково и Јурумлери.

Граѓани јавуваат и за дополнителни проблеми во сообраќајот. Во источниот дел од градот не работат семафорите. Поради тоа, се создаваат големи сообраќајни гужви. Застој во сообраќајот има на повеќе клучни крстосници.

Неофицијално: Причината е голем пожар во Вардариште

Во моментов се чека на официјална информација од ЕВН. Во меѓувреме, порталот 24инфо.мк дознава неофицијално. Според нив, дефектот во мрежата е поврзан со голем пожар. Пожарот, наводно, избувнал во депонијата Вардариште.

До овој момент нема никаква официјална најава. Не се знае до кога ќе трае прекинот. Граѓаните се во очекување на нормализирање на состојбата.