Бекамови со нова вила во Мајами за 80 милиони долари – Вистинска оаза на луксуз (видео)

Дејвид и Викторија Бекам не штедат кога станува збор за својот животен стил, и тоа го докажаа уште еднаш со новата импресивна вила во Мајами, која чини неверојатни 80 милиони долари.

Според добро информирани извори, оваа најнова аквизиција ќе биде додадена на нивната веќе раскошна колекција луксузни домови. Сместена на брегот, вилата плени со својот модерен и минималистички дизајн, претворајќи се во мирна оаза, која е совршена за одмор.

Вилата, опкружена со убави тивки улички, изгледа како сцена од некој холивудски филм. Нуди приватност со големи затемнети стакла, трогаражен влез и зелена тераса што нуди неверојатен поглед кон океанот.

Со девет спални соби и 11 бањи, домот е вистинско кралство на простор. Внатрешноста е претежно во светли тонови, а мебелот и уметничките дела се внимателно избрани за да внесат елегантност и топлина. Покрај тоа, вилата располага со теретана, сауна и домашно кино, како и прекрасен базен и летна кујна во дворот.

 

View this post on Instagram

 

A post shared by David Beckham (@davidbeckham)

Овој нов дом совршено се вклопува во новиот живот на Бекамови во Мајами, каде што Дејвид е и косопственик на фудбалскиот клуб Интер Мајами, дополнително зацврстувајќи ги неговите врски со градот и клубот.