Внимание возачи: Затворена крстосницата на „Скупи“ и „Љубљанска“ поради поставување нови семафори

Демонтажа на старите семафори и пренасочување на возилата

Утрово, точно во 8 часот, екипите на ЈП „Улици и патишта Скопје“ започнаа со обемни активности за демонтажа на семафорски портални и обични столбови, како и на целокупната придружна семафорска опрема на крстосницата помеѓу улиците „Скупи“ и „Љубљанска“. Како што информираат од претпријатието, овие зафати се реализираат согласно претходно одобрен сообраќаен проект за модернизација и воведување на нови светлосни сигнали на оваа локација.

Берово те очекува

A Airbnb ◎ Instagram

Поради безбедно и непречено изведување на работните активности, сообраќајот е комплетно затворен по овој правец. Возилата се целосно пренасочуваат кон околната улична мрежа, што може да предизвика привремен метеж во овој дел од градот.

Апел за трпение и физичка регулација на терен

Времениот режим ќе остане во сила сè до целосното завршување на сите предвидени активности за монтажа на новите семафори. Во меѓувреме, сообраќајот се одвива со помош на соодветна сообраќајна сигнализација и дополнителна опрема.

За да се намали хаосот и да се олесни протокот на возила, на приодите кон крстосницата се поставени овластени лица од ЈП „Улици и патишта“ кои вршат физичка регулација на сообраќајот. Од претпријатието упатија јавен апел до сите учесници во сообраќајот да бидат максимално трпеливи, да се прилагодат на новонастанатите услови на патот и во целост да ја почитуваат поставената сигнализација.

„Сообраќајот ќе биде комплентно затворен по правец и истиот целосно пренасочен по околната улична мрежа. Времениот режим ќе важи до завршување на активностите… На истите приоди ќе има поставено и лица од ЈП Улици и патишта за физичка регулација на сообраќајот.“