Временска прогноза: Променливо облачно со повремен дожд и силен јужен ветер со брзина до 80 км/ч

Дневна прогноза и силен ветер

Денеска времето ќе биде променливо облачно со повремени локални врнежи од дожд, особено во западните делови од земјата. Она што најмногу ќе ја одбележи временската состојба е засилениот до силен ветер од јужен правец, кој на одредени места ќе достигне брзина и над 80 километри на час.

Берово те очекува

A Airbnb ◎ Instagram

Минималните температури ќе се движат од 9 до 13 степени, додека дневните максимуми ќе достигнат од 18 до 25 степени. Во Скопје се очекува слично време, со сончеви периоди, умерен до засилен јужен ветер и максимална температура до 24 степени.

Заладување и промена за викендот

Според најавите од синоптичарите, утре ќе се задржи релативно топло време за овој период од годината, проследено со силен јужен ветер. По одделни котлини во утринските часови ќе има услови за појава на магла.

Меѓутоа, од сабота следува значителна промена на временската состојба. Поради продор на постудена воздушна маса од север, температурите ќе бидат во значително опаѓање, што особено ќе се почувствува во северните делови од државата.

„Времето денеска ќе биде променливо облачно со сончеви периоди и со повремени локални врнежи од дожд. Ќе дува засилен до силен ветер од јужен правец (наместа со брзина над 80 km/h).“