Весна Љ.
Најава за победа и потенцијален премиерски мандат
На претстојните избори закажани за 25 октомври, право на глас имаат 6,45 милиони граѓани. Доколку СНС издвојува победа, Вучиќ би можел да ја преземе премиерската функција, со што би го продолжил своето 14-годишно владеење на политичката сцена во Србија. Најсериозен предизвикувач им е „Студентската листа“, политичко движење кое произлезе од двегодишните антивладини студентски протести ширум земјата.
-
La Linea v6
699 ден
524.25 ден
Во гостување на телевизијата „Пинк“, Вучиќ изјави дека опозицијата се залажува со наративот за нивна победа, истакнувајќи дека самите опозициски лидери се свесни за поразот кој им претстои.
Отфрлање на обвинувањата за изборни нерегуларности
Во пресрет на изборите, опозицијата и невладиниот сектор изразија загриженост за можни изборни нерегуларности. Тие посочуваат дека голем дел од препораките на ОБСЕ, кои се однесуваат на ревизија на избирачкиот список и унапредување на транспарентноста на изборниот процес, сè уште не се имплементирани.
Вучиќ категорично ги отфрли овие наводи, тврдејќи дека институциите целосно ќе ја заштитат волјата на граѓаните и нема да дозволат никаков обид за кражба на гласачките ливчиња.
„Тоа се бајки – приказни за мали деца. Разликата ќе биде толку голема што ќе останат шокирани – најмалку 400.000 гласови. Ние нема да дозволиме да се крадат вреќи со гласачки ливчиња или официјални записници, ниту пак ќе дозволиме да се украде ниту еден единствен глас во Србија“, порача Вучиќ.
