Гестот на оваа мачка ги воодушеви корисниците на Редит кои се прашуваат: „Дали е ова можно?“

Само што се испилиле, а веќе западнале во неволја. Некој би помислил дека токму мачката кај која се чувствувале безбедни е таа која ќе биде најголема закана за нив, но не – таа е тука да ги чува од вистинските закани кои демнат од воздухот.

Иако тоа ретко го покажуваат, мачките и тоа како умеат да бидат заштитнички настроени, особено кога станува збор за нивни драги суштества. Токму својата љубов, приврзаност, но и пожртвуваност ја покажала оваа мачка штом воочила закана по своите двајца мали пријатели. Таа со своето тело ги заштитила двете жолти пилиња, особено она „пољубопитното“.

Мачката постојано гледала нагоре и упорно го враќала пилето со шепата под своето тело. За што точно станувало збор и од каков предатор пристигнувала закана, не може со сигурност да се заклучи врз основа на видеото, но корисниците на Редит, каде истото стана вирално, се воодушевени од заштитничкиот став на оваа мачка.