Големо невреме во Загреб: Летаат контејнери и столици, температурата драстично падна

Силно олујно невреме го погоди Загреб во понеделник, 7 јули, околу 10 часот наутро.

Невремето особено го погодило поширокото подрачје на Загреб. Најжестоко било во населбата Нов Загреб. Таму, силниот ветар корнел ролетни од прозорците на зградите. Бројни граѓани забележале драматични моменти.

Тие ги споделиле на социјалните мрежи. На снимките кои брзо се раширија, се гледа како ветерот фрла контејнери. Исто така, и како фрла столици од кафулињата и разни други предмети. Хрватските медиуми јавуваат дека температурата во Загреб за само еден час паднала за шест степени.

Метеоролозите претходно најавиле дека ќе дојде до голема промена на времето. Издаден е и портокалов метеоаларм за подрачјата на Славонија, Истра, Кварнер и Далмација. За остатокот од земјата, на сила е жолт метеоаларм. Се апелира на голема внимателност.