Весна Љ.
Прв интегриран биотехнолошки парк во регионот
Комплексот, кој беше официјално претставен во присуство на грчкиот премиер Киријакос Мицотакис, обединува биотехнолошки инкубатор, истражувачки лаборатории и инфраструктура за претклинички и транслациски истражувања. Биотехнолошкиот инкубатор располага со околу 1.000 квадратни метри лабораториски и канцелариски простор за млади компании, кои можат да користат приватни и заеднички лаборатории, менторска поддршка и контакти со инвеститори, притоа без инкубаторот автоматски да бара сопственички удел во нивните бизниси.
„Посебен сегмент од околу 1.500 квадратни метри е наменет исклучиво за претклинички и транслациски истражувања, со кои научните откритија треба побрзо да се доближат до фазата на клиничка валидација.“
-
La Linea v1
699 ден
524.25 ден
Од вкупната инвестиција вредна 80 милиони евра, според најавите, најголемиот дел од дури 72 милиони евра се сопствени средства на компанијата ELPEN, додека остатокот е обезбеден преку државна помош. Овој проект е само дел од поширокиот инвестициски план на компанијата, кој предвидува вложувања од 380 милиони евра до 2030 година.
Отворени врати за македонски истражувачи и стартапи
Проектот е од особено значење за целиот регион бидејќи инкубаторот не е ограничен исклучиво на грчки компании. Официјалната програма предвидува прием и поддршка за меѓународни тимови и стартапи, што ја отвора можноста и за македонски истражувачи и биотехнолошки компании да станат дел од овој модерен комплекс.
Иако засега нема специфични услови наменети само за македонски компании, реалната можност за вклучување ќе зависи од општите критериуми за прием во инкубаторот и од евентуална директна соработка меѓу македонските универзитети, истражувачките центри и новиот биотехнолошки парк во Спата.
