Дарио се враќа на Макфест по 26 години

По долги 26 години, Дарио повторно ќе настапи на сцената на Макфест, овој пат на втората вечер на 26 октомври, на 39-тото издание на фестивалот што ќе се одржи во Домот на културата „Ацо Шопов“ во Штип. Заедно со него, на фестивалот ќе настапат и други познати имиња, меѓу кои и Дани Димитровска, која исто така се враќа по долгогодишна пауза. Павле Камиловски, пак, ќе го има својот прв настап на Макфест.

Оваа година, фестивалот се фокусира на промоција на песни со различни забавни жанрови, со цел да привлече поширока публика и да создаде музика која ќе биде запаметена и испеана. Роберт Саздов, уметничкиот директор на фестивалот, истакна дека не станува збор само за создавање хитови, туку за мелодии со трајна вредност.

Според продуцентот Јован Јованов, овогодишната селекција е рекордна, со 76 пријавени песни, што е најголем број досега. Особено е значајно учеството на голем број млади музичари и дебитанти, како и поранешни победници на регионални натпревари.

Фестивалот, и оваа година, ќе биде ревијален и нема да доделува парични награди, а единствената награда ќе биде за најслушаната песна меѓу двата фестивала. Водители на настанот се Димитар Атанасовски и Маријана Станојковска.