Дожд низ земјава, на планините снег, западот со пообилни врнежи

Денеска времето носи променлива облачност со повремен дожд, а на планините снег, со поизразени врнежи во западните делови на државата

Според прогнозата на УХМР, на повисоките места дождот ќе преминува во дожд и снег, додека на планините се очекуваат врнежи од снег. Ќе дува умерен, а повремено и засилен јужен ветер, што може да создава чувство на поладно време, особено во отворени подрачја.

Во Скопје ќе биде променливо облачно со повремени врнежи од дожд и умерен југоисточен ветер.

Температурите ќе се движат од -2 до 5°C наутро, а дневните ќе бидат во интервал од 1 до 11°C.