Весна Љ.
Судија на претходна постапка од Основниот кривичен суд Скопје им одреди триесетдневен притвор на четири лица. Меѓу притворените е и поранешниот директор на Царинската управа, Стефан Богоев. Тие се сомничат за сериозни злоупотреби при доделување државен тендер. Постои сериозна опасност од бегство и влијание врз клучните сведоци во истрагата.
Милионски наместен тендер за чистење граници
-
La Linea v6
699 ден
524.25 ден
Осомничените целосно ја изиграле законската постапка за јавна набавка. Станува збор за милионски договор за одржување хигиена на граничните премини. Преку брутално ограничување на конкуренцијата, тие овозможиле приватна фирма да заработи над 18 милиони денари. Во шемата е вмешан и актуелен помошник-директор на Царината.
Богоев земал мито од смешни 1.800 евра?
Истрагата на ОЈО ГОКК обезбеди цврсти докази за примање и давање поткуп. Првоосомничениот Богоев се товари дека земал парична награда од точно 111.600 денари. Тој ги искористил својата позиција и влијание за да го фаворизира избраниот понудувач. Сите четворица осомничени веќе се спроведени во истражниот затвор.
