Каков среќник! Копал базен, нашол 700.000 евра во злато – и законски го задржал!

Жител на местото Невил сир Соне, во близина на Лион, Франција, открил злато во вредност од околу 700.000 евра додека копал базен во својата градина.

За време на работите во мај, тој во земјата пронашол пет златни прачки (инготи) и повеќе златници завиткани во пластични ќеси, пренесуваат локалните медиуми.

Среќниот пронаоѓач веднаш го пријавил пронајдокот на локалните власти, по што случајот го презела Регионалната дирекција за културни работи (DRAC). Агенцијата ја исклучила можноста дека станува збор за археолошки наод, со што било потврдено дека пронаоѓачот е законски сопственик на богатството.

Повеќе од само среќа – златото имало трага

Според наводите на полицијата, златните прачки носеле сериски броеви кои овозможиле да се утврди нивното потекло. Било откриено дека златото е легално стекнато и било претопено пред најмногу дваесет години во компанија во регионот на Лион.

Поранешниот сопственик на земјиштето е починат, а потеклото на скриеното злато не е познато. Полицијата потврдила дека во врска со овој случај не е забележана никаква кражба или грабеж, па човекот може легално да го задржи целото богатство.