Весна Љ.
Трето убиство на бизнисмен во нецели три месеци
Ова е трет ваков случај што ја потресува бугарската јавност за помалку од 90 дена. На крајот на јули во Банкија беше пронајден мртов бизнисменот Владимир Јанков, а на 30 септември во Пловдив беше застрелан Илијан Филипов, претседател на фудбалскиот клуб „Ботев“. Иако засега нема јавно потврдена поврзаност, хронолошката близина на овие злосторства предизвикува огромна загриженост во општеството.
-
Време за пиво
699 ден
524.25 ден
Бинев беше препознатлива фигура на бугарската транзиција, човек кој ги поврзуваше спортот, приватниот бизнис и политиката. Освен европската титула во таеквондо од 1992 година, неговото име беше поврзано со повеќе деловни субјекти во ноќниот живот и градежништвото, како и со политички функции во Европскиот и бугарскиот парламент.
Апсење на автопат и сомнувања за финансиски спор
Полицијата веќе уапси тројца мажи кои, според информациите, биле чести гости кај Бинев. По пукањето, тие се обиделе да побегнат со автомобил, но биле пресретнати и запрени кај тунелот „Трајанови врати“ на автопатот „Тракија“, каде што им биле пронајдени две оружја.
„Првичните податоци од истрагата упатуваат на нерасчистен финансиски спор. Во оваа фаза нема основа случајот да се означи како нарачано убиство“, изјави вршител на должноста главен секретар на бугарското МВР, Љубомир Николов.
