Весна Љ.
Брутални напади на голем одмор и социјални мрежи
Последните недели во Тетово носат сериозна загриженост меѓу родителите чии деца се мета на врсничко насилство. Групи малолетници до 14 години вршат физички и вербални напади врз соученици, соблекуваат јакни и тренерки со цел да проверуваат обележја, а целата содржина ја споделуваат на социјалните мрежи преку специфични ТикТок групи. Револтираните родители сведочат за секојдневни стресови, додека дел од децата се принудени да биде придружувани при секое излегување на улица.
-
La Linea v27
699 ден
524.25 ден
Според тимот за правда на децата при Центарот за социјални работи (ЦСР) Тетово и Основното јавно обвинителство, клучниот проблем лежи во пропустите на образовните институции. Стручните служби во училиштата честопати не преземаат никакви превентивни мерки иако насилството се случува за време на наставата и на големите одмори „пред нивниот нос“.
Одговорност за стручните служби и рекација на полицијата
Од Обвинителството и ЦСР Тетово се децидни дека кривично не се одговара само за погрешно постапување, туку и за целосно непостапување на педагозите, психолозите и директорите на училиштата. Иако самите малолетни сторители и нивните родители се покажале како соработливи во разговорите со социјалните работници, изостанокот на реакција од самите образовни установи ја влошува ситуацијата.
Од СВР Тетово информираат дека во текот на 2026 година се регистрирани 12 случаи на нарушување на јавниот ред и мир меѓу малолетници од различни етнички заедници, при што дел од случаите се веќе расчистени, а поднесени се прекршочни и кривични пријави – вклучително и постапки против родителите согласно законските обврски за надзор над малолетните деца.
„Не се одговара кривично само за погрешно постапување, туку и за непостапување на тие педагози, психолози, директори. Најголемиот пропуст е во школите, бидејќи ова насилство се случува на одморите, а стручните служби ниту пријавуваат девијантно однесување ниту преземаат нешто“, порачуваат надлежните од ЦСР Тетово и Обвинителството.
