Весна Љ.
Едногласна одлука и ризик од бугарско вето
Според Милошоски, тврдењето дека преговарачката рамка гарантира дека македонскиот јазик ќе стане еден од службените јазици на ЕУ е „голема манипулација“ која има за цел да создаде лажна сигурност. Тој се повикува на европските документи, конкретно стратегијата „Preparing for a wider Union“, како и членовите 55 и 342 од договорите на ЕУ, кои јасно наложуваат дека официјалните јазици на институциите се определуваат исклучиво со едногласна одлука на Советот на ЕУ.
-
Балтазар
699 ден
524.25 ден
Тој потсетува на Декларацијата што официјална Софија ја достави до Советот на ЕУ во јули 2022 година, во која се нагласува дека споменувањето на македонскиот јазик во преговарачката рамка не претставува негово признавање од страна на Бугарија.
„Користењето на терминот македонски јазик во преговарачката рамка на ЕУ не е ист правен акт со потребата од нова едногласна одлука за негово вклучување меѓу официјалните јазици на ЕУ во иднина. Тука ветото од Бугарија, според досегашниот однос на официјална Софија, е кец во кец“, потенцира Милошоски.
Критики за претходните договори и примерот со Црна Гора
Милошоски ги лоцира причините за оваа позиција во „сервилните потписи“ на владата на СДСМ и ДУИ на Договорот за добрососедство од 2017 година, како и на вториот протокол и анекс од 2022 година. Според него, потписите на Зоран Заев и Бујар Османи скапо ќе ја чинат државата и претставуваат постојан ризик за промоцијата на македонскиот јазик.
Во контекст на јазичните политики на ЕУ, тој го посочи и актуелниот пример со Црна Гора. Во моментов во Брисел се водат дебати дали во нацрт-пристапниот договор да се впише црногорскиот јазик како нов службен јазик, процес за кој веќе постојат лингвистички дилеми кај одредени земји членки, како и загриженост за буџетските трошоци за превод. За разлика од прагматичноста меѓу другите европски соседи, Милошоски заклучува дека Бугарија и натаму покажува отсуство на рационалност во односот кон Македонија.
