Мицкоски пристигна во Брисел: Утре клучниот Самит ЕУ – Западен Балкан

Премиерот Христијан Мицкоски од денеска престојува во работна посета на Брисел, каде што утре ќе учествува на Самитот ЕУ – Западен Балкан.

Како увертира на официјалните средби, владината делегација вечерва ќе присуствува на уникатен настан насловен „Здравица за добрите соседи“, кој се одржува под покровителство на еврокомесарката за проширување Марта Кос.

Целта на овој собир е преку симболиката на виното и заедничката историја да се прослави културното богатство и европската перспектива на регионот. Во неформална и пријателска атмосфера, присутните ќе дегустираат вина од земјите од Западен Балкан, поттикнувајќи дијалог и меѓусебно разбирање како основа за идното обединување на Европа.