НАТО го одложува самитот во Албанија: Еди Рама потврди дека лидерската средба нема да се одржи во 2027 година

Причини за одложувањето: Американско противење и буџетски трошоци

Според информациите што протекоа во јавноста, плановите за организирање на престижниот самит во Албанија биле доведени во прашање уште во јуни. Причината лежи во резервите на администрацијата на американскиот претседател Доналд Трамп, како и во незадоволството кај дел од сојузниците поради релативно ниските издвојувања на Албанија за одбраната.

Берово те очекува

A Airbnb ◎ Instagram

Ваквите несогласувања придонесоа за огромна неизвесност. Дополнително, НАТО сериозно ја разгледува можноста да ја напушти досегашната практика на одржување годишни самити. Тоа би значело дека лидерите повеќе нема да се состануваат секоја година по автоматизам, туку исклучиво според безбедносните и политичките потреби на Алијансата.

Тирана останува домаќин, можен нов термин во 2028 година

И покрај промените во календарот, од седиштето на Алијансата појаснуваат дека Албанија не го изгубила домаќинството, туку станува збор само за промена на временскиот план. Генералниот секретар на НАТО, Марк Руте, уште на самитот во Анкара потврди дека следниот самит е предвиден токму за Албанија.

Албанскиот премиер Еди Рама останува оптимист и е уверен дека државата ќе биде организатор на следниот голем настан. Тој нагласи дека доколку сојузниците одлучат да организираат лидерска средба во 2028 година, Тирана со сигурност ќе биде подготвена да ги пречека.

„Проблемот е што сè уште нема заеднички став за тоа кога ќе се одржи самитот. Сигурно нема да биде во 2027 година.“ — изјави Еди Рама од Даблин.