во

Осум убиени жени за помалку од три месеци: Денеска во 13 часот граѓански протест и блокада пред Владата!

Денеска, 20 ноември, со почеток во 13 часот, пред Владата ќе се одржи граѓански протест со блокада на сообраќајницата како реакција на алармантната серија фемициди што ја потресоа Македонија. За помалку од три месеци во земјава беа убиени осум жени.

Повик за итна институционална одговорност

Организатори на протестот се неформалната иницијатива „Ниту една повеќе“ и Платформата за родова еднаквост, кои ги повикуваат граѓаните масовно да се приклучат без партиски обележја. Целта на блокадата пред Владата е да се испрати јасна порака дека насилството врз жените, институционалните пропусти и неказнивоста повеќе не смеат да се толерираат.

Берово те очекува
Pine & Co. – сместување во Берово, Македонија

Граѓанските организации предупредуваат дека осумте убиства за толку краток период се сериозен доказ оти постојните механизми за заштита не функционираат ефикасно. Особено загрижува фактот што дел од жртвите претходно побарале помош од надлежните институции, но и покрај пријавите не добиле соодветна заштита.

Конкретни барања до полицијата, социјалните служби и правосудството

Иако фемицидот веќе е препознаен како посебно квалификувано кривично дело во Кривичниот законик, активистите нагласуваат дека законските измени сами по себе не се доволни доколку не се применуваат доследно и навремено. На денешниот протест ќе бидат прочитани конкретни барања за итно подобрување на постапувањето на полицијата, центрите за социјална работа и правосудните органи.

Меѓу клучните барања се целосна примена на Истанбулската конвенција, брза и ефикасна заштита на жртвите на семејно и родово базирано насилство, како и утврдување одговорност за сите службени лица кои не постапиле согласно своите законски надлежности.

„Молчењето и институционалната неажурност имаат трагични последици. Безбедноста на жените мора да стане вистински приоритет, а не само декларативна заложба“, порачуваат од иницијативата „Ниту една повеќе“ и Платформата за родова еднаквост.

Кул Маици - Попуст -25%

Напишете коментар

Вашата адреса за е-пошта нема да биде објавена. Задолжителните полиња се означени со *

Мицкоски од Берлин: Македонија е на иста маса со светот и активно учествува во меѓународниот дијалог

Над 300 амандмани во Собранието: Денеска почнува амандманската расправа за Предлог-буџетот за 2027 година