Весна Љ.
Опозициската партија СДСМ упати остри критики до премиерот Христијан Мицкоски, обвинувајќи го дека го штити министерот за внатрешни работи Панче Тошковски од одговорност за бегството на обвинетата Ива Михајлова.
Бегство без пасоши и граница како „швајцарско сирење“
Во партиското соопштение, СДСМ прашува како е можно лице со одземен македонски и бугарски пасош непречено да ја напушти државата. Опозицијата остро реагираше и на неодамнешната изјава на министерот Тошковски, кој состојбата на државната граница ја спореди со „швајцарско сирење“.
- „Срамота е министерот што ја води полицијата, која ја обезбедува границата, да каже дека границата е швајцарско сирење“, велат од СДСМ.
- Партијата обвинува дека границата е „решето за криминалци и бегалци од правдата“, а за тоа никој не понесува одговорност.
Договор „под радар“ и барање за оставка
Супер Попуст -25%
-
La Linea v14
699 ден
524.25 ден
СДСМ смета дека отсуството на одговори и санкции укажува на тоа дека премиерот свесно го штити првиот човек на полицијата. Според нивните тврдења, јавноста е сведок на таен договор кој овозможил непречено бегство на Михајлова.
„Сега на сите им е јасен договорот под ‘радар’ за пуштање на Михајлова. Затоа наместо одговорност и оставка од Тошковски, сега народот гледа театар“, се заклучува во соопштението.
