Судир на писта: „Боинг 767“ на ЈПС и „Боинг 737“ на „Копа ерлајнс“ се удрија во Мајами

Судир на раскрсницата меѓу две патеки

Како што пренесува Си-Би-Ес, инцидентот се случил околу 21:15 часот по локално време. Станува збор за карго-авион од типот „Боинг 767“ во сопственост на ЈПС, кој требало да полета за Богота во Колумбија, и патнички „Боинг 737“ на „Копа ерлајнс“, кој тукушто пристигнал од Панама Сити. Судирот настанал на самата раскрсница на две патеки за движење (таксивеј), додека едниот авион пристигнувал кон терминалот, а другиот се подготвувал за полетување.

Берово те очекува

A Airbnb ◎ Instagram

Според соопштението од противпожарната служба на градот Мајами, во овој несекојдневен инцидент две лица се здобиле со полесни повреди. На повредените веднаш им била укажана помош на самото место и немало потреба од нивен транспорт во болница.

Аеродромот продолжил со редовна работа

Иако судирот на две огромни леталици од типот Боинг предизвикал загриженост, брзата реакција на аеродромските служби спречила поголем хаос. По инцидентот, останатите авиони биле експресно пренасочени на други патеки за движење, со што се избегнало затворање на пистите.

Надлежните потврдија дека овој инцидент не влијаел врз редовното функционирање на меѓународниот аеродром во Мајами и летовите продолжиле според предвидениот распоред. Во тек е истрага која треба да ги утврди точните причини и евентуалната човечка грешка кај контролата на летање или пилотите.

„Судирот се случил околу 21:15 часот на раскрсницата на две патеки за движење на авионите. Двете повредени лица биле згрижени на самото место, без потреба од транспорт во болница.“