Страхил Ф.
Тие требаше да ја оспорат пронајдената ДНК на ливчињата меѓу 350.000 евра. Овие пари беа откопани од ѕид во неговиот дом во Неготино во јануари. Вештакот Атанас Козарев пријавил болест. Тој требаше да сведочи за ДНК трагите на ливчињата со пари. Истовремено се разболела и адвокатката од Кавадарци која требало да го испрашува. Другиот вештак воопшто не дојде бидејќи вештачењето не му било готово. Адвокатот Звонко Давидовиќ вети дека извештајот ќе биде доставен до четврток.
Револт во судницата и повлечени сведоци
-
La Linea v14
699 ден
524.25 ден
Судијката Билјана Коцевска не го криеше револтот од ваквото однесување. Таа нагласи дека судењето не смее и нема да пропадне. Наместо презентација на вештачењата, денеска беа изведени само материјални докази. Ова беше направено само во неколку реченици од страна на адвокатот на обвинетиот.
„Несфатливо е како на сите судења доаѓаа двајцата технички советници, а баш денеска кога требаше да се присутни, не се тука. Ова во најмала рака е неодговорно.“
Дополнително, одбраната неочекувано ги повлече своите контроверзни сведоци. Меѓу нив беа и осудените лекари за корупција, Марјан Стоевски и Един Шеапи, како и Љупчо Пецов-Ѓаволот. За сите нив, судијата Ристов постапувал во минатото во Апелациониот суд Скопје. Претходно, првиот вештак Емилио Фришчиќ тврдеше дека ракописот на ливчињата не е на судијата, иако на нив има негова ДНК.
