Украина го доби тоа што го бараше: Бран на оптимизам се шири низ Европа по американската понуда

Соединетите Американски Држави понудија безбедносни гаранции за Киев во стилот на НАТО, што предизвика бран на оптимизам меѓу европските лидери за време на преговорите во Берлин.

Полскиот премиер Доналд Туск изјави дека „за првпат од американските преговарачи слушнал“ дека САД ќе се ангажираат на начин што нема да остави сомнеж кај Русите дека одговорот ќе биде воен доколку повторно ја нападнат Украина.

Според изворите, администрацијата на Трамп, претставена од Стив Виткоф и Џаред Кушнер, предложила гаранции слични на Членот 5, во замена за откажување на Украина од членство во НАТО. Иако 90% од договорот е наводно усогласен, главен камен на сопнување остануваат територијалните прашања. САД вршат притисок за повлекување на украинските сили од Доњецк, потег што Зеленски го нарекува „болен“ и одбива да ја признае руската контрола „де јуре или де факто“.

Додека Трамп од Белата куќа порача дека е „поблиску од било кога“ до договор со Путин, Москва засега не прифаќа ниту една од промените. Зеленски предупреди дека доколку Путин го одбие планот, ќе побара од САД драстично заострување на санкциите и итна испорака на оружје со долг дострел.