Херојска смрт во Швајцарија: Србинот Стефан (31) загина додека ги спасуваше гостите од пожарот

Херојот од Ваљево кој го расплака Балканот: Стефан спасил десетици луѓе, се вратил во оганот и не излегол

Меѓу 40-те жртви во пеколот на „Ле Констелејшн“ е и Стефан И. (31), момче со српско потекло кое загинало како вистински херој. Стефан работел како обезбедување во кобната ноќ. Кога избувнал пожарот, наместо да избега, тој останал присебен и почнал да ги турка гостите кон излезот.

Сведоштво: „Без двоумење влезе назад во пламенот“

Според сведоштвото на една Французинка која преживеала благодарение на него, Стефан успеал да извади група луѓе на безбедно. Но, кога сфатил дека внатре има уште заглавени, тој се вратил во објектот зафатен од пламен за да спаси уште некого. Тој несебичен потег го чинел живот.

Стефан е по потекло од Ваљево, а во Швајцарија живеел 20 години. Неговото семејство до последен момент се надевало на чудо, но за жал, денес пристигна најлошата вест.