Весна Љ.
Масовни гробници во шумата Шакахола
Кениските власти досега открија повеќе од 400 тела во плитки гробови во локалната шума Шакахола, каде Мекензи ги донел своите следбеници од целата земја. Според обвинението, сектата систематски ги принудувала жртвите, особено децата, да гладуваат до смрт убедувајќи ги дека на тој начин „ќе се сретнат со Исус“.
-
Те сакам како пивото
699 ден
524.25 ден
Сведоштвата на локалните жители кои биле ангажирани како гробари за дневница од осум долари откриваат морничави детали. Тие опишуваат дека во секој гроб имало најмалку три тела, а некои од децата биле пронајдени со врзани раце и нозе, завиткани во чаршафи. Многу од телата сè уште не се идентификувани поради напредната фаза на распаѓање.
Доктрина на смртта пренесувана преку телевизија
Мекензи ја основал организацијата „Good News International Ministries“ уште во 2003 година. Преку сопствената телевизиска станица „Times TV“, тој ширел теории на заговор, нарекувајќи го образованието „зло“, а здравствената заштита „спротивна на доктрината“. Во 2019 година, црквата се затворила, а лидерот се преселил во шумата повикувајќи ги верниците да го следат.
Трагедијата уништила бројни семејства. Стивен Мвити, чија поранешна сопруга е меѓу обвинетите, раскажува како ги изгубил сите шест деца во култот. Од друга страна, парадоксално е што некои од преживеаните, како 23-годишниот Питер Шукрани кој бил спасен во тешка здравствена состојба, сè уште го бранат Мекензи тврдејќи дека жртвите постеле доброволно. Истовремено, родениот син на лидерот, Ден Пол Мекензи, јавно бара неговиот татко да биде осуден како масовен убиец.
„Еднаш пронајдовме 12 тела на деца во ред во гроб. Беше ужасно, телата беа наредени едно врз друго, како облека. Некои од останките им припаѓаа на бебиња кои имаа само неколку недели“, сведочи гробарот Џејмс за Би-Би-Си.
