Весна Љ.
Недвижностите и бизнисот како главен извор на богатство
Податоците за 2025 година од холандското Централно биро за статистика покажуваат дека милионерските домаќинства сочинуваат 6,6 проценти од вкупниот број домаќинства во државата. Во споредба со претходната година, ова е зголемување за дури 81 илјада домаќинства, кое главно се должи на континуираниот пораст на цените на становите и куќите.
-
Пиво
699 ден
524.25 ден
Структурата на нивното богатство покажува дека 39 проценти доаѓаат од значителни деловни удели и средства, додека вредноста на сопствените станови претставува 29 проценти од нивниот вкупен имот. За споредба, кај граѓаните кои не се милионери, деловните удели сочинуваат само 3 проценти од имотот.
Кои се холандските милионери и каде живеат?
Просечното милионерско домаќинство во Холандија располага со средства вредни 1,5 милиони евра. Две третини од нив се во рангот од 1 до 2 милиони, една четвртина имаат меѓу 2 и 5 милиони, додека само 3 проценти поседуваат имот од 10 милиони евра или повеќе.
Статистиката покажува дека просечната возраст на милионерите е 61 година. Дури 70 отсто од нив се на возраст од 55 години или повеќе, додека помалку од 3 проценти спаѓаат во групата под 35-годишна возраст.
„Во одредени ексклузивни градови како Блумендал и Ларен живее релативно голем број милионери: речиси две од секои пет домаќинства во овие места имаат милионерски статус“, се наведува во извештајот.
