Весна Љ.
Економијата, инфлацијата и нискиот рејтинг на Трамп
Американските гласачи денеска бираат нови 435 пратеници во Претставничкиот дом и 35 од вкупно 100 сенатори. Главната грижа на гласачите е економијата, поточно зголемените трошоци за живот откако цените на храната и горивата вртоглаво пораснаа. Инфлацијата се зголеми од 3 отсто на почетокот на мандатот на 3,7 отсто денес, што експертите делумно го припишуваат на агресивните глобални царини на Трамп, но и на континуираната војна со Иран.
-
Балтазар
699 ден
524.25 ден
Во пресрет на гласањето, анкетите на „Ројтерс“ и „Ипсос“ покажуваат дека само 32 отсто од испитаниците ја поддржуваат работата на Трамп. Соочен со ваквите бројки, тој водеше интензивна кампања со десетици митинзи низ земјата, апелирајќи до поддржувачите да гласаат како и неговото име да е на гласачкото ливче.
Клучни држави и последици од евентуален пораз
Вниманието на политичката јавност е свртено кон клучните држави како Тексас, Канзас, Мејн, Охајо, Ајова, Алјаска и Мичиген. Ситуацијата во Мичиген е особено специфична поради внатрепартискиот хаос кај демократите, каде Хејли Стивенс одби да го поддржи својот сопартиец и отворено застана зад републиканскиот кандидат.
Меѓу републиканците постои сериозна загриженост дека економската слика ги направила ранливи дури и во државите кои традиционално се сметаат за нивни сигурни упоришта. Доколку демократите успеат да преземат контрола врз еден или врз двата дома на Конгресот, тие би можеле целосно да ја попречат законодавната агенда на Трамп, да покренат истраги и да ги блокираат неговите кандидати за судски функции. Инаку, гласањето почна пред неколку недели, при што над 55 милиони Американци веќе гласаа по пошта.
„Демократската партија номинираше најекстремна и најопасна листа на кандидати во американската историја“, обвини Трамп за време на говорот во Вашингтон, додавајќи дека ќе ги почитува резултатите доколку тие бидат чесни.
