Весна Љ.
Ослободување на насилници и политичка одмазда
Победничкото политичко движење „Студентска листа“ излезе со жестока реакција, оценувајќи дека институтот помилување е целосно обезвреднет. Посебен револт во јавноста предизвика одлуката да се аболицира возачот обвинет за обид за тешко убиство, кој во јануари минатата година со возило ја прегази нивната колешка Соња.
-
La Linea v9
699 ден
524.25 ден
Вишите судови во Нови Сад и Белград вчера јавно ги објавија списоците со имињата на 23 помилувани лица. Според податоците, на него се наоѓаат и лица кои во текот на изминатите две години физички тепале студенти или намерно ги удирале со своите возила за време на граѓанските блокади. Покрај нив, претседателско помилување доби и поранешната државна секретарка во Министерството за внатрешни работи, Дијана Хркаловиќ, која претходно беше обвинета за попречување истраги и заштита на криминалци.
Најава за реформи и транспарентност
Од „Студентска листа“ предупредуваат дека ваквите постапки ја поткопуваат довербата во институциите и ги разнишуваат самите темели на правниот поредок во Србија. Тие најавуваат дека идната администрација ќе воведе строги механизми, јасни критериуми и отчетност за да спречи каква било идна политичка злоупотреба на ова уставно овластување.
„Помилувањето е исклучителен правен инструмент што треба да се применува само во ретки и оправдани околности. Тоа не смее да послужи како алатка за политичка одмазда или лични пресметки. Нашата порака е јасна: Ова никогаш повеќе да не се повтори“, порачуваат од „Студентска листа“.
