ВАЖНО ИЗВЕСТУВАЊЕ: Забрана за пиење на водата од водоводот во Демир Капија!

Мерката за претпазливост стапува на сила веднаш и ќе трае сè до добивањето на конечните резултати од најавената супер-анализа. Надлежните апелираат до граѓаните строго да се придржуваат до оваа забрана со цел заштита на јавното здравје.

Контрадикторни лабораториски наоди

Берово те очекува

A Airbnb ◎ Instagram

Проблемот настанал откако два различни јавни здравствени центри дале сосема спротивни оценки за квалитетот на водата земена од истото мерно место во два последователни дена.

„Анализата на примерокот земен во понеделник од страна на Институтот за јавно здравје – Скопје покажува дека водата не ги исполнува условите пропишани со правилникот за вода за пиење. Од друга страна, анализата на примерокот земен во вторник од страна на Центарот за јавно здравје – Велес покажува дека водата ги исполнува условите,“ појаснуваат од Ј.К.П „Бошава“.

Супер-анализата ќе го даде конечниот збор

Поради ваквото несовпаѓање на наодите, донесена е одлука во понеделник да биде извршена независна супер-анализа која точно ќе ја утврди исправноста на водата. Сè додека не пристигнат официјалните и конечни резултати од оваа анализа, водата од водоводот останува забранета за секаква консумација.