Весна Љ.
Санкции и грејс период: Што опфаќаат мерките на САД?
Американското Министерство за финансии најави шестмесечен грејс период за санкциите, кои имаат за цел да ги спречат компаниите да обезбедуваат услуги за судот. Мерката предвидува одредени исклучоци за телекомуникации, софтвер, исплата на пензии и трансакции поврзани со притвореници.
-
La Linea v14
699 ден
524.25 ден
Државниот секретар Марко Рубио беше дециден во образложувањето на одлуката, потенцирајќи дека американскиот претседател Доналд Трамп нема да дозволи судот да гони американски граѓани.
- „Ќе ги забраниме трансакциите со овој непријателски суд, прекинувајќи ги нивните ресурси и онеспособувајќи ја нивната способност за работа“, изјави Рубио за Ројтерс.
- Вашингтон е револтиран од претходните налози за апсење на лидери како Бенјамин Нетанјаху и Владимир Путин, но пред сè поради истрагата за постапките на американските војници во Авганистан.
Реакции од Хаг и Брисел: Напад врз владеењето на правото
Заменик-обвинителката на МКС, Нажат Шамим Кан, изјави дека мерките се насочени кон поткопување на меѓународното право, но нагласи дека судот ќе продолжи со своите истраги. Судот побара заштита од своите 125 земји-членки.
Реакција пристигна и од Европската Унија. Високата претставничка Каја Калас посочи дека Унијата има опции да ја осигура континуираната работа на судот, додека Белгија дури повика на активирање на статут на ЕУ за блокирање на американските санкции.
Интересен е тајмингот на одлуката – санкциите беа објавени само неколку часа откако поранешната судијка на МКС, Нави Пилај, ја доби Нобеловата награда за мир, чин кој Нобеловиот комитет го опиша како поддршка за меѓународните судови кои се под политички напад.
