(Видео) Масовен револт низ Грција: Илјадници ученици, студенти и наставници ги преплавија улиците

Масовен бран незадоволство во сите поголеми центри

Улиците на Атина, Солун, Патра, Лариса, Волос, Јанина, како и населените места на островот Крит, беа преплавени од демонстранти кои го изразија својот револт против растот на трошоците за живот и недоволните вложувања во јавниот образовен систем.

Клучните барања на демонстрантите се насочени кон подобрување на стандардот во училиштата и студентските домови, државна заштита од неконтролираниот раст на кириите и соодветно субвенционирано сместување за младите.

Солидарност од синдикатите и европски контекст

Предводници на овие маршеви беа учениците, студентите и образовниот кадар, но тие добија широка општествена поддршка од работничките синдикати, вработените во јавната администрација и родителите, кои масовно им се приклучија на колоните.

Ваквите протести во Грција се совпаѓаат со сличен бран на незадоволство и барања што периодов се актуелни и на улиците во Франција, Албанија, Португалија и Италија, каде младите и работниците исто така бараат заштита на животниот стандард и подостоинствени услови за живот и учење.