Викендов започнува зимското сметање на времето: Стрелките се враќаат еден час наназад

Враќање на стрелките од 03:00 на 02:00 часот

Ноќта помеѓу сабота и недела, односно меѓу 24 и 25 октомври, времето во 03:00 часот по полноќ ќе се смета за 02:00 часот. Оваа практика традиционално се применува секој последен викенд во октомври и трае сè до последниот викенд во март следната година, кога повторно настапува летното сметање на времето.

Според актуелниот календар, летното сметање на времето во 2027 година треба да започне на 28 март, додека следното зимско сметање е предвидено да започне на 31 октомври. Сепак, доколку Европската Унија во меѓувреме донесе нови правила, практиката на менување на времето двапати годишно би можела конечно да биде укината во блиска иднина.

Историјат и причина за промената на времето

Менувањето на времето е глобална практика што се применува повеќе од еден век, иако во последните години предизвикува бројни дебати за нејзината ефикасност и влијанието врз човечкиот организам.

„Преминувањето на летно и зимско сметање на времето првпат е забележано во 1916 година во земјите на северот на Европа. Досега е воведено во околу 70 земји низ светот, со примарна цел заштеда на електрична енергија преку искористување на дневната светлина од раните утрински часови“, потсетуваат историчарите.