Домаќинка во намирница за вечера пронашла големо богатство: „Видов дека нешто падна, а од ова може да си изградиме куќа од соништата“

Сифино Касемсон (29) од Тајланд е домаќинка која, како што вели е родена во сиромаштија и навикнала на таков живот.

Меѓутоа, една вечера ѝ го сменила животот и со неа би дошла до незамислива сума на пари за која не можела ниту да сонува.

Било 7 јуни – Сифино од локална продавница порачала морски плодови за да му ги подготви на својот сопруг за вечера.

„Го погледнав внимателно топчето и сфатив дека тоа е многу редок бисер кој во зависност од големината и квалитетот може да вреди над 100 илјади долари“, возбудено раскажала оваа млада домаќинка.

„Го чувам тој бисер како очите и ги разгледуваме понудите. Сè уште не сме сигурни колку вреди овој конкретен бисер, но секако дека ќе го продадеме и конечно ќе може да си направиме убава куќа“, раскажала таа.

Иако е реткост да се најде овој бисер, сепак тоа се случувало и претходно, па забележан бил случај на некој риболовец кој имал иста таква среќа и за својот бисер добил 10 милиони тајландски бати односно околу 256.000 фунти.

Овие бисери ги има во различни бои – од кафеава, до боја на кожа, па сè до портокалова, со тоа што портокаловиот бисер има најголема вредност.