Како изгледа кога луѓето ќе исчезнат и природата ќе си ги земе своите права

Екосистемите, ткаенината на животот од кои сите зависиме, рапидно опаѓаат поради човечките постапки. Но, има уште време да ги спасиме.

Човечкиот притисок врз природата се зголеми од 1970-тите. Користевме се повеќе и повеќе природни ресурси, и ова чинеше многу. Ако изгубиме големи делови од природниот свет, човечкиот квалитет на живот ќе биде сериозно намален и животите на идните генерации ќе бидат загрозени доколку не се преземат ефективни активности. Во текот на последните 50 години, капацитетот на природата да нè поддржува опадна. Квалитетот на воздухот и водата се намалуваат, почвите се трошат, земјоделските култури имаат недостаток на опрашувачи, а бреговите се помалку заштитени од невреме.

Пандемијата со коронавирусот, која го опфати светот на почетокот на оваа година, ни покажа колку луѓето се главен фактор при уништување на природата и нејзините богати делови. Ви прикажуваме како изгледа светот во време кога човекот не посети неколку делови од природата и тие повторно блеснаа.