КАТАКЛИЗМА ВО НЕПАЛ: Стотици неидентификувани жртви се закопуваат во масовни ровови, што предизвика револт кај локалните жители!

Според извештаите на „Еуроњуз“, разорните поплави во хималајскиот регион однесоа најмалку 800 животи, додека над 3.000 лица сè уште се водат како исчезнати. Поради целосно недоволните капацитети на мртовечниците, високите температури и ризикот од ширење заразни болести, властите во округот Читван започнаа со привремени погреби во ровови, претходно земајќи ДНК-примероци од телата за идни идентификации.

Револт меѓу семејствата и одговор од надлежните институции

Одлуката предизвика длабока тага и револт кај семејствата кои трагаат по своите најблиски, сметајќи дека жртвите заслужуваат достоинствено испраќање наместо брзо закопување без согласност. Од друга страна, полициските инспектори и претставниците на Министерството за надворешни работи уверуваат дека постапката е во согласност со меѓународните протоколи на Црвениот крст и дека станува збор за привремено решение кое подоцна ќе им овозможи на семејствата ексхумација и извршување на традиционалните кремирања на речните брегови.

„Наша традиција е да ги кремираме починатите на брегот на реката во кругот на семејството, а овие брзи погреби без согласност се болни за сите нас.“