Католиците и дел од православните вечерва го празнуваат Бадник

Католичките верници и дел од православните христијани кои го следат Грегоријанскиот календар денес го одбележуваат Бадник, во пресрет на Божик – празникот на раѓањето на Исус Христос.

Во Македонија, централната прослава ќе се одржи во католичката црква „Пресвето Срце Исусово“ во Скопје. Светата Божикна литургија ќе ја води бискупот Киро Стојанов, кој е скопски бискуп и епарх за струмичко-скопската епархија.

Овој Божик утре ќе го слават и православните цркви од Грција, Бугарија, Романија, Украина и Грузија, кои го прифатиле Грегоријанскиот календар.

Од друга страна, православните цркви кои се придржуваат до Јулијанскиот календар, како Руската, Српската, Македонската православна црква, Ерусалимската патријаршија и монасите на Света Гора, Божик ќе го прослават на 7 јануари.

Со празнични литургии и семејни традиции, верниците ја слават надежта, љубовта и радоста кои Божик ги носи.