Косово добива „мускули“: Пристигна моќното противтенковско оружје од Германија

Косово се вооружува: Пристигнаа моќните германски ракети „Панцерфауст 3“

Косовските безбедносни сили (КБС) добија значително воено засилување. Германија и официјално ја испорача пратката со софистицираниот противтенковски систем „Панцерфауст 3“. Оваа испорака е дел од продлабочената безбедносна соработка меѓу Приштина и Берлин, со цел модернизација на косовските сили и нивно усогласување со НАТО стандардите.

Јасна порака од Берлин: Оружје исклучиво за одбрана

Косовските власти потенцираат дека новото оружје ќе се користи строго за одбранбени цели и професионална обука на војниците. „Панцерфауст 3“ важи за еден од најефикасните системи во европските армии, а аналитичарите го толкуваат овој потег како директна потврда за поддршката на Германија за стабилноста и безбедноста на Косово и регионот.