Куче однесено од вода на опасна брана: Градинар херојски го спасил со помош на јаже

Неверојатна сцена се случила на браната Бел Парк во јужноафриканската провинција Квазулу-Натал, кога едно куче било однесено од вода.

Кучето воопшто немало да има шанси ако не го спасел Амос Ндлову, момент што го забележале и камерите.

Дека кучето е во проблем, прво забележал Џејмс Стјуарт кој бил во прошетка со сопругата Стела. Брзо притрчал дома за да најде јаже и го повикал градинарот на соседот, Амос.

Амос го врзал јажето околу половината и се спуштил во замрзната вода. Успеал, чекор по чекор, да дојде до кучето кое стоело на една карпа.