Петар M.
Во своето најново гостување во поткастот „Риштази“, претседателот на Владата отворено зборуваше за актуелните економски предизвици. Тој директно се осврна на секојдневните обвинувања кои доаѓаат од опозициските редови. Нивната главна теза е дека државата се наоѓа пред целосен финансиски колапс. Ваквите тврдења се базираат на неодамнешните финансиски трансакции и позајмици од М-НАВ и други државни институции. Сепак, премиерот смирува дека нема простор за никаква паника меѓу граѓаните. Според неговите зборови, државната каса е безбедна и покрај катастрофалното наследство кое новата власт мора да го менаџира.
Лицемерие на дело: Практика која претходната власт ја применила 255 пати
-
La Linea v16
699 ден
524.25 ден
Мицкоски не штедеше зборови кога ја опишуваше состојбата во која е начекана државата. Тој посочи дека претходната гарнитура оставила зад себе огромни долгови и бројни незавршени проекти. Системот бил тотално нефункционален, понижен и буквално ограбен. Во однос на креираната фама околу меѓуинституционалното позајмување, тој истакна дека одлуката три државни институции финансиски да ѝ помогнат на друга не е никаков преседан, туку редовна пракса која претходната влада ја применила дури 255 пати во минатото. Овој 256-ти пример е само легален механизам за одржување на тековната ликвидност на државниот апарат.
„Имам јас лоша вест за опозицијата… им велам дека нема да банкротираме и покрај тоа што ни оставија долгови, незавршени проекти, руиниран систем, ограбен систем.“
За да ги демантира сите шпекулации за пропаст, премиерот најави и конкретни рокови за финансиско порамнување. Тој соопшти дека веќе во текот на месец август, сите позајмени средства ќе бидат уредно вратени. Јавното претпријатие за државни патишта (ЈПДП) ќе ги рефундира парите кон трите институции кои помогнале во овој кризен момент. Оваа порака претставува силен удар врз наративот на опозицијата, а истовремено им влева сигурност на граѓаните дека јавните финансии се управуваат одговорно и транспарентно.
