Младо момче е осудено на 24 години затвор откако усмртило жена и дете, а неговите обожаватели бараат намалување на казната: “Премногу е сладок!”

Камерон Херин (21) усмртил млада мајка и нејзината 20 месечна ќерка удирајќи ги со автомобил, а неговите обожаватели на Тик Ток велат дека е “премногу сладок” за да биди во затвор.

Во мај 2018 година, Џесика Рејсинџер Робенолт (24) и нејзината 20 месечна ќерка Лили преминувале улица во Тампа, Флорида кога настрадале. Херин возел Форд Мастенг со брзина од околу 160 километри на час учествувајќи во улична трка.

Осуден е на 24 години затвор во април оваа година откако во декември 2018 се изјасни дека е виновен, а луѓето кои го следат на Тик Ток сега се здружиле да му изразат поддршка користејќи го хештегот “Правда за Камерон”.

Неговите обожаватели започнале да бараат втора шанса за него тврдејќи дека е “премногу сладок” за да служи толку долга казна.

Снимките од Херин кои неговите обожавтели ги објавуваат се прегледани повеќе од 26 милиони пати, а на нив се гледа неговата реакција откако му била изречена казната. Неговата мајка, Шерил Херин рекла дека некои луѓе се “нездраво опседнати” со нејзиниот син, дека ѝ испраќаат писма во текот на ноќта додавајќи дека поддршката ѝ значела на почетокот, но дека работите почнале да бидат страшни и морничави откако нивните социјални мрежи биле хакирани.