ПАТОТ ДО РЕКОРД Е ОТВОРЕН: Новак Ѓоковиќ во Синсинати брка рекордна 41. Мастерс титула!

Патот до трофејот за Ѓоковиќ е значително олеснет по официјалното повлекување на неговите најголеми ривали, Јаник Синер и Карлос Алкараз, кои го откажаа настапот поради повреди. Светскиот број еден Синер се повлече поради проблем со десното колено, додека Алкараз сè уште ја санира повредата на зглобот која го држи надвор од терените од април.

Каков е патот на Ѓоковиќ до трофејот?

Берово те очекува

A Airbnb ◎ Instagram

Како трет носител на турнирот, Ѓоковиќ е слободен во првото коло. Својот прв настап ќе го има во второто коло против победникот од дуелот меѓу Тијаго Агустин Тиранте и Јан Чожински.

„Во продолжението на турнирот потенцијални противници на Србинот се Матео Арналди, Џек Дрејпер и Јакуб Меншик, додека во четвртфиналето би можел да се сретне со Алекс де Минаур. Доколку стигне до полуфиналето, можен е дуел со Александар Зверев.“

Генерална проба за Ју-Ес Опен

Ѓоковиќ е апсолутен рекордер со 40 освоени титули од серијата Мастерс 1000. Во Синсинати веќе трипати го подигнуваше победничкиот пехар (2018, 2020 и 2023 година), а со првиот триумф во 2018 година стана првиот тенисер во историјата кој ги освоил сите девет Мастерс турнири.

Овој турнир ќе биде главна подготовка за 39-годишниот српски тенисер пред последниот Гренд слем во сезоната – Отвореното првенство на САД (US Open), кое започнува на 30 август во Њујорк.