Порака од Љубљана: Наташа Пирц Мусар истакна дека проширувањето на ЕУ кон Западен Балкан е клучна стратешка инвестиција во европскиот мир и безбедност

Повик за европско единство и справување со геополитичките предизвици

За време на состанокот со дипломатите на Европската Унија акредитирани во Словенија, со кој претседаваше ирската амбасадорка Каролин Фелан, претседателката Пирц Мусар нагласи дека Унијата мора да ја зајакне својата позиција и да дејствува единствено во услови на брзи и непредвидливи глобални промени.

„ЕУ не може да си дозволи да биде поделена во момент кога светот се соочува со големи геополитички промени. Нејзината сила лежи во единството, почитувањето на меѓународното право и вредностите што нè поврзуваат“, истакна Пирц Мусар преку објава на платформата Икс.

Размена на мислења со европските амбасадори

На средбата со шефовите на дипломатските претставништва се разговараше за актуелните европски и меѓународни теми, при што посебен акцент беше ставен на внатрешната кохезија на Брисел и подготвеноста на Унијата да одговори на безбедносните предизвици.

Словенија продолжува да биде гласен поддржувач на европската перспектива на земјите од регионот, оценувајќи дека геополитичките реалности налагаат подинамичен пристап кон процесот на проширување.

„Проширувањето на Европската Унија кон земјите од Западен Балкан е стратешка инвестиција во мирот, стабилноста и безбедноста на Европа…“ — порача словенечката претседателка Наташа Пирц Мусар.