Принцот Вилијам прогласен за најсекси ќелав маж, твитерџиите не се согласуваат

Принцот Вилијам е прогласен за најсекси ќелав маж според резултатите од истражување спроведно од клиника за козметичка хирургија. Принцот бил опишан како „секси“ во 17,6 милиони објави од блогови и веб-сајтови, и ги победи ѕвездите како Двејн Џонсон и Џејсон Стејтам.

Според истражување кое го сподели The Sun, принцот Вилијам е најсекси ќелав маж на светот. Во истражувањето мажите биле рангирани според тоа колку пати се појавува нивното име во блогови, извештаи и разни објави од веб-сајтови, откако ќе ги пребарате на Гугл.

Според истражувањето, спроведено од клиника за козметичка хирургија, принцот Вилијам бил опишан како „секси“ во околу 17,6 милиони блогови, веб-сајтови и слично, со тоа станувајќи најсекси ќелав маж.

Покрај Вилијам, во првите пет мажи на листата се наоѓаат Мајк Тајсон, Џејсон Стејтам, Питбул и Мајкл Џордан. На листата се нашле и Двејн Џонсон, Брус Вилис, Вин Дизел, па дури и рускиот претседател Владимир Путин, кој за само неколку поени не завршил во првите 10.

„Има малку ќелави мажи во светот на шоу-бизнисот“, изјавиле од клиниката што го спроведе истражувањето, па веројатно затоа и го направиле.

Твитерџиите веднаш се огласија во врска со истражувањето и додека некои се согласуваат со резултатите, повеќето велат дека оваа титула дефинитивно му припаѓа на актерот Стенли Тучи.