ПУТИН ОД ЊУ ДЕЛХИ: „Системските грешки“ на западните елити се виновни за подемот на АфД во Германија

Будење на граѓаните поради погрешните политики

Иако АфД освои убедливо најмногу гласови во германската покраина со околу 2,14 милиони жители, партијата нема доволно пратеници за самостојно да формира влада. Сепак, Путин смета дека ваквите случувања во Европа се природна последица на погрешните политики на Западот во областа на економијата, безбедноста и надворешната политика.

Тој оцени дека изборните резултати во Германија и сличните политички тенденции низ целиот континент јасно покажуваат дека европските граѓани конечно стануваат свесни за катастрофалните последици од тие западни политики.

НАТО проширувањето и „непостоечката закана“

Во своето обраќање, рускиот претседател не пропушти повторно да го обвини Западот за воениот конфликт. Според Путин, западните земји со години ги игнорирале руските противења на проширувањето на НАТО кон исток и вршеле постојан притисок врз Москва, што претставува главна причина за војната во Украина.

„Западните влади намерно ги плашат своите граѓани со непостоечка руска закана која вештачки ја поврзуваат уште со времето на Советскиот Сојуз.“

Овие изјави Путин ги даде од Њу Делхи, Индија, каде престојува по повод самитот на проширената група БРИКС. На овој важен глобален состанок, на кој присуствува и кинескиот претседател Си Џинпинг, главни теми на дискусија меѓу лидерите се меѓународната трговија, технологијата и актуелните регионални конфликти.