Рецепт-молња: лиснато тесто и ванила за десерт од соништата

Ако сакате едноставни, а неодоливо вкусни десерти, овој рецепт ќе ве освои на првиот залак.

Комбинацијата од кремаст пудинг од ванила, крцкаво лиснато тесто и миризливи ливчиња од бадем е вистинска мала магија во која ќе уживате со кафе, чај или по ручекот.

Подготовката е брза и едноставна, а резултатот – фантастичен.

Потребни состојки:

• 1 пакување развлечено лиснато тесто
• 1 ќесичка пудинг од ванила
• 400 мл млеко
• 1 кесичка ванилин шеќер
• 2 лажици шеќер
• 40 г путер
• 1 жолчка
• Ливчиња од бадем

Подготовка:

1. Сварете го пудингот според упатството на ќесичката, но наместо 500 мл, користете 400 мл млеко за да биде погуст.
2. Кога пудингот е готов, тргнете го од оган и веднаш вмешајте го путерот додека целосно не се растопи и не се соедини со кремот.
3. Одвиткајте го лиснатото тесто и премачкајте го пудингот само на половина од тестото.
4. Преклопете со другата, празна половина од тестото.
5. Изматете ја жолчката и премачкајте го тестото одозгора.
6. Исечете го тестото на половина, а потоа секоја половина на уште четири дела – треба да добиете осум штангли.
7. Одозгора обилно посипете со ливчиња од бадем.
8. Печете во рерна загреана на 200°C околу 20-25 минути, додека тестото не добие златно-кафеава боја и не стане крцкаво.

Најдобро е да се послужи додека е уште топло – тогаш најубаво се чувствува совршениот спој на мирисната ванила, путерот и бадемите. Ова е идеален десерт кога сакате нешто брзо, а импресивно.