СДСМ обвинува: На државната прослава го погрешиле македонското знаме

Од СДСМ обвинија дека на официјалната државна прослава по повод 35 години од независноста било погрешно прикажано македонското државно знаме.

Според опозициската партија, станува збор за настан финансиран со јавни средства, поради што бараат одговорност и детално објаснување од Владата.

СДСМ со остри критики до Владата

„Срамно и понижувачки. Милиони евра народни пари троши Владата на Мицкоски, а не успеа ниту македонското знаме да го направи како што треба“, велат од СДСМ.

Од партијата ја обвинија власта дека покажала неодговорност кон еден од најважните државни симболи.

„За тендери и провизии од милионски бизниси – тие се експерти. За македонско знаме – аматери“, се наведува во реакцијата на СДСМ.

Бараат да се открие кој бил задолжен за сценографијата

Опозицијата побара Владата да соопшти која компанија била ангажирана за организацијата и визуелниот идентитет на прославата.

СДСМ бара одговор и за тоа кој конкретно бил задолжен за сценографијата, колку средства биле потрошени и кој ќе понесе одговорност доколку се утврди дека државното знаме навистина било прикажано неправилно.

Од партијата случајот го оценија како понижување на македонскиот државен симбол и побараа Владата јавно да излезе со сите детали поврзани со организацијата на настанот.