Весна Љ.
Причини за администрацијата и акционери од Србија
Надзорната расправа доаѓа по случувањата од 1 ноември, кога во битолската банка беше воведена привремена администрација со времетраење од три месеци. Ова уследи по одлуката на српскиот супервизорски орган за одземање на дозволата за работа на матичната „АЛТА банка“ АД Белград и отпочнување стечајна постапка.
-
La Linea v3
699 ден
524.25 ден
Целта на воведувањето администратори – Илија Андовски, Весна Стојчевска и Марија Тодоровска од Народната банка – е да се заштитат средствата и интересите на штедачите и доверителите до целосно разрешување на сопственичката структура.
Олеснување на условите за клиентите и работа на експозитурите
Во меѓувреме, Народната банка продолжува со постепено олеснување на пристапот до средства за клиентите. Од вчера е овозможено користење на електронското и мобилното банкарство со утврдени неделни и двонеделни лимити, а денеска со работа започнува и експозитурата во скопскиот трговски центар „Бисер“.
Редовно продолжуваат да функционираат и експозитурите во Битола, Струмица и Тетово, каде клиентите можат да вршат уплати, да ги плаќаат комуналиите и да подигаат готовина во рамките на постојните ограничувања.
„Целта на привремената администрација во битолската банка, како што образложи Народната банка, е таа да продолжи да работи, а средствата и интересите на штедачите и другите доверители да бидат заштитени до разрешување на сопственичката состојба.“
