Весна Љ.
Според соопштението од партијата, обидите на Лефков да се претстави пред граѓаните како стручњак за информатички технологии и сајбер безбедност се смешни и претставуваат само параван за прикривање на вистинските намери кои ќе паднат на товар на народот. Од СДСМ отворено прашуваат каква е корелацијата помеѓу вистинските национални дата-центри, наменети исклучиво за дигиталните потреби на државните институции, и приватните центри за кои премиерот Христијан Мицкоски наводно преговара со сè уште неименувани странски инвеститори.
Договори „под радарот“ и експлоатација на државните ресурси
-
Пулсот на пивото
699 ден
524.25 ден
Опозицијата алармира дека извршната власт прави тајни договори зад затворени врати, ставајќи им на располагање на непознати инвеститори клучни национални ресурси како електрична енергија, вода и градежно земјиште. Партијата силно предупредува дека огромниот профит генериран од овие приватни дата-центри нема да заврши во државната каса, која според нив е веќе испразнета поради криминални тендери, ниту пак овој проект ќе отвори нови работни места за македонските граѓани.
„Лефков може да држи предавања колку што сака, но фактите остануваат исти: едно е национален дата-центар за државните институции, а сосема друго е приватен дата-центар за неименуван инвеститор кој немилосрдно ќе ги троши ресурсите на граѓаните. Доста е од манипулации и лаги.“
