Сензационално откритие кај Гевгелија: Откопано непроценливо богатство од времето на Александар Македонски!

Монетите биле грижливо сокриени во керамички сад во остатоците од античка градба. Најголемиот дел од ова непроценливо богатство, дури 45 монети, припаѓаат на монетниот тип на Александар III Македонски. Остатокот се поврзува со други хеленистички владетели како Лизимах и Селевк I, што докажува дека влијанието на македонскиот монетарен систем продолжило да доминира и по смртта на великанот во 323 година пред нашата ера.

Бегство од смртта: Зошто богатството било закопано?

Берово те очекува

A Airbnb ◎ Instagram

Најголемата мистерија е кој и зошто го сокрил ова богатство, никогаш не враќајќи се по него. Археолозите сметаат дека сопственикот ги закопал сребрениците во паника, бегајќи од воените судири и бруталните продори на келтските племиња околу 279 година пред нашата ера. Наодите на Вардарски Рид (античка Гортинија) покажуваат траги од тешки разурнувања на објектите токму од овој турбулентен период.

„Една од претпоставките е дека сопственикот го сокрил своето богатство поради непосредна опасност, со намера подоцна да го земе. Сепак, неговиот идентитет и вистинската причина остануваат закопани во минатото.“

Вардарски Рид – економскиот гигант на антиката

Овој локалитет претставува еден од најважните центри за проучување на антиката во долината на Вардар. Освен ова спектакуларно сребрено богатство, низ годините тука се откриени стотици други антички монети, трговски простории, работилници и градби кои сведочат за моќен и организиран градски живот. Богатството останува вредно сведоштво за циркулацијата на парите и последиците од воените конфликти кои го обликувале регионот.