Туршија по стар рецепт: Како нашите баби ја подготвувале пред 100 години

Нема подобар начин да се зачува вкусот на летото од подготовката на туршија, едно од најомилените зимски јадења. Во минатото, речиси секој дом подготвуваше туршија, која беше неизоставен дел од секоја зимска трпеза. Иако денес може да најдете свеж зеленчук во текот на целата година, ништо не може да го замени вкусот на традиционално подготвената туршија.

Ако и вие сакате да го оживеете тој вкус и да го израдувате вашето семејство во текот на зимата, сè што ви треба е мал простор за чување и малку зеленчук. Следете го овој рецепт и вратете го мирисот на старите времиња во вашиот дом.

Потребни состојки:

– Зеленчук по ваш избор (количина по желба, најчесто карфиол, краставици, пиперки, моркови, зелени домати)

За прелив:

– 300 гр шеќер

– 300 гр сол

– 2 конзерванси

– 2 винобрани

– Неколку зрна бибер

– 10 литри вода

– 250 гр есенција

Начин на подготовка:

1. Темелно измијте го зеленчукот. Карфиолот исечете го на помали парчиња и одвојте ги цветовите. Краставиците само измијте ги, а пиперките ставете жолти за подобар вкус. Можете да додадете и моркови, зелени домати или друг зеленчук по ваш избор.

2. Наредете го зеленчукот во буриња или големи тегли.

3. За преливот: земете 1 литар вода и сварете ја со шеќерот, солта, конзервансот, винобранот и зрната бибер. Оставете го да се излади, а потоа додадете го во останатите 9 литри незовриена вода и есенцијата.

4. Прелијте го зеленчукот со подготвениот прелив, добро затворете го бурето и оставете го да отстои околу 3 недели.

Со овој рецепт, зимата ќе биде побогата со вкусот на домашна туршија, враќајќи ги традиционалните мириси и вкусови на вашата трпеза!